Mikel Laboa

(Hemen utziko dut, besterik gabe, bere argazki zahar hau)

Gezurrak

Gaurko BERRIAko webgunean ez da nire zinta atera, batek daki zer dela-eta, eta beraz hemen jartzea okurritu zait. Kontua da zinta hau gustoko dudala. Historiaren gezurrak gorrotatzen ditudan modu bertsuan. Kolorez jarri dut. "Balore gehitu" bat-edo izan dezan.

Gora ilusioa!!!

Pasa den astean Txan Magoak gure kalean dagoen LA PORRA dendan egin zuen bere ikuskizuna. Hurbildu nintzenean ez nekien euskaraz edo gazteleraz egingo zuen eta sartzerakoan ikusi ahal nuen elebiz egiten ari zela. "Joe...zer rollo!!" pentsatu nuen. Dena den esan behar da magia egiten duen modu berean suertatu zela elebiz egitearena, hau da: naturala, sanoa eta xaloa. Gauza zailak modu errezean egiten ditu Txan Magoak. Ikuskizuna, beti bezala, oso polita eta atsegina izan zen.
Bukatzerakoan korrika etxera igo eta nire kartak hartuta dendara itzuli nintzen autografo baten eske. Hau da idatzi zidana, oso polita: Gora ilusioa !! Txan.

Gyrrwch yn ofalus

Galesen ibili gara bizikleta txango luze bat egiten. Han kartel ofizial guztiak elebiz daude, eta gehienetan aurretik Galeseraz daude idatziak. Irakurria nuen Galesera gehienbat iparraldean egiten zela, Nafarroan bezala, baina ez nuen espero, Nafarroan ez bezala, galesera leku guztietan aurkitzea. Gu hegoaldetik ibili ginen, Galeseko Tuteran, eta Galeseko Tuteran bertako hizkuntza zaintzen dute, hemen ez bezala.

Kolorez

Bai ba..kolorez atera dira zinta batzuk azken egunetan. Eta egia esan eskertzen da. Aldea nabarmentzeko horra kolorez egindako zinta bat, txuri beltzean argitaratua.

Zorionak BERRIA

BERRIAk bost urte bete ditu....eta nire pertsonaia askok ere berarekin batera bost urte bete dituzte. Aunitz urtez !!

Oharra: Uztailean oporrak hartuko ditut eta ez dut eguneroko zintarik egingo.

imac-a argazkilaria

Nire imac-ak argazki hau atera zidan lehengoan (kamara probatzen). Talibana ELKAR argitaletxeak inprimatu zuen Durangoko azokarako eta gero niri oparitu, bi metro ditu eta ikusgarria da.
Oharra: atzean ikusten diren "gantxillozko bisilloak" amaren eskulan bat dira (kriston lana ematen duten horietakoak).

ZUTABE

ZUTABE honetan badago zer irakurria, oso mamitsua da !!
(Argazkia adiskide batek bidali dit, Bilbon aterata. Mila esker.)

Nafarroa Kapitaina

Nafarroa Kapitaina eta Petilla Komandanteordea.
Iazko ihauterietan ateratako argazkia, Tolosan.
Oharra: Petillak antza handia du!!

EGUNKARIA, EGUNERO, BERRIA

Egunkariaren eta bere langileen omenez zer edo zer jarri behar nuela...eta nire artxiboa errepasatzen hau aurkitu dut.
Egunkaria itxi eta EGUNERO atera zen hurrengo egunean. EGUNERO hartan zinta batzuk marraztu nituen eta hau da haietako bat. Bertan sortzear zen BERRIA egunkariaren izena "kritikatu" eta beste bat proposatzen nuen, logotipoa eta guzti, oso izen ona:
EUSKALDUNON EGUNEROKO OGIA
Bistan da atzera bota zidatela.

Paul Beitia HIRU

Paul Beitia BI

Letter bat jaso nuen....Paul Beitia BAT

e-mail oso berezia eta polita jaso nuen lehengoan.
Marrazkiekin batera bidali zidaten eta hauxe zioen:

Paul Beitia naiz , 10 urte ditut
eta Zarautztik idazten dizut.
Asko gustatzen zaizkit De Rerum Naturako zintak
eta eguerdiro irakurtzen ditut.
Niri ere asko gustatzen zait Marraztea
eta zinta batzuekin saiatu naiz.
Ea gustatzen zaizkizun.

Marrazkiak oso politak direnez
hirurak hemen jartzea otu zait.
Animo marrazkilari berri eta aparta horiek !!