PULMONIA

Medikua euskalduna dut, eta zaharra. Berak ez du "Neumonia" hitza erabiltzen, berak beti erabili du "Pulmonia". Esan behar da fonendoarekin entzun eta kokatu zuela pulmonia, gero plakan ikusi genuen, baietz, arrazoia zuela.

HERRITARREN NAHIA

BARCINALANDIA

SERIO DEMONIO

Bloga berreskuratu nahiean SERIO DEMONIO marrazkiak bertara igotzea otu zait. Horrela behintzat astean behin marrazki bat jarriko dut sarean. Juan Kruz Lakastaren testua ordea...onlineki ez da inon argitaratzen.
(onlineki: modu onlinekoan paratua)
Poltron (a love story). Asko gustatzen zaidan pertsonaia da hau. Grafikoki puzkerrak botatzen dituela ematen du eta, kar kar kar, horrek grazia egiten dit!!
Aste honetan dexente ibili nahiz STEVE BELLen marrazkiak ikusten eta nik uste dut bere "izpiritua" agertzen dela Poltron pertsonaia honen zintetan. Edo zehatzago nahi baduzue: KOPIATU DUDALA.

Mikel Laboa

(Hemen utziko dut, besterik gabe, bere argazki zahar hau)

Gezurrak

Gaurko BERRIAko webgunean ez da nire zinta atera, batek daki zer dela-eta, eta beraz hemen jartzea okurritu zait. Kontua da zinta hau gustoko dudala. Historiaren gezurrak gorrotatzen ditudan modu bertsuan. Kolorez jarri dut. "Balore gehitu" bat-edo izan dezan.

Gora ilusioa!!!

Pasa den astean Txan Magoak gure kalean dagoen LA PORRA dendan egin zuen bere ikuskizuna. Hurbildu nintzenean ez nekien euskaraz edo gazteleraz egingo zuen eta sartzerakoan ikusi ahal nuen elebiz egiten ari zela. "Joe...zer rollo!!" pentsatu nuen. Dena den esan behar da magia egiten duen modu berean suertatu zela elebiz egitearena, hau da: naturala, sanoa eta xaloa. Gauza zailak modu errezean egiten ditu Txan Magoak. Ikuskizuna, beti bezala, oso polita eta atsegina izan zen.
Bukatzerakoan korrika etxera igo eta nire kartak hartuta dendara itzuli nintzen autografo baten eske. Hau da idatzi zidana, oso polita: Gora ilusioa !! Txan.